22 November 2015

Ang Pagsuporta sa Restore the Church Fund ay Pagsuporta sa mga Anticristo na Naglalayong Sirain ang Iglesia



SUSUPORTAHAN MO BA ANG MGA ANTICRISTO NA IBINABALA NG BIBLIA NA LILITAW BAGO ANG WAKAS SA KANILANG PAGTATANGKA NA WASAKIN ANG IGLESIA?


 IBINABALA ng Biblia na may mga Anticristo na lilitaw bago ang wakas: “Mga anak, malapit na ang wakas!  Tulad ng narinig ninyo, darating ang anti-Cristo.  Ngayon nga'y marami nang lumitaw na mga anti-Cristo, kaya't alam nating malapit na ang wakas. Bagamat sila'y dating kasamahan natin, hindi natin tunay na kaisa ang mga taong iyon.  Sapagkat kung sila'y tunay na atin, nanatili sana silang kasama natin.  Ngunit umalis sila, kaya't maliwanag na silang lahat ay di tunay na atin.” (I Juan 2:18-19 MB)

Hindi ito ang Anticristo na may bilang na 666, kundi ito’y mga Anticristo na lilitaw bago ang wakas na ayon kay Apostol Juan ay mga “dating kasamahan” natin subalit hindi nanatili o umalis sila sa Iglesia Ni Cristo. Kaya, tiyak natin na ang katuparan nito ay ang mga tiwalag ngayon sa Iglesia na kumakalaban sa Pamamahala.

Tinawag na “Anticristo” sapagkat ang gawain nila ay kalaban ni Cristo o sinasalungat nila ang utos ni Cristo. Sinalungat hindi lamang ang utos ni Cristo na “pumasok” at “manatili” sa Iglesia upang maligtas (Juan 10:9 at Mateo 24:13), kundi marami pang mga turo at kautusan ni Cristo. Ang isa sa kautusan ni Cristo sa Iglesia na pinipilit sirain ng mga Anticristo ay, “At ngayon, ako'y papunta na sa  iyo; aalis na ako sa sanlibutan, ngunit nasa sanlibutan pa sila.  Amang banal, ingatan mo sila sa pamamagitan ng kapangyarihan ng iyong pangalan, pangalang ibinigay  mo sa akin, UPANG SILA'Y MAGING ISA, KUNG PAANONG TAYO'Y IISA.” (Juan 17:11 MB)

Ang mga Anticristo ay naglalayon na sirain ang hangad ni Cristo para sa Iglesia ang MAGING ISA. Kaya ang kanilang mga isinasagawang “vigil,” ang kanilang pagsasampa ng kaso laban sa Pamamahala ng Iglesia, at marami pang iba ay pawang gawain ng Anticristo sapagkat naglalayon ang lahat ng ito na maghasik ng pagkakabaha-bahagi o sirain ang kaisahan ng Iglesia.

Papaano nila sinusuportahan ang mga kilusang ito o ang mga gawain ng mga Anticristo na naglalayong sirain ang kaisahan ng Iglesia na tungo sa pagsira mismo sa Iglesia? Sa pamamagitan ng kanilang tinatawag na “Restore the Church fund.” Kaya hinihikayat nila ang mga kapatid na magbigay sa tinatawag nilang “Restore the Church Fund.” Hinihikayat nila ang mga kapatid na huwag nang mag-abuloy at maghandog, subalit hinihikayat nilang magbigay sa kanilang Restore the Church Find na hindi isang abuloy o handog.

 
Subalit, ang pondong ito ay ginagamit para suportahan ang mga gawain ng mga Anticristo. Ginagamit ang pondong ito sa kanilang mga pagsampa ng kaso laban sa Pamamahala ng Iglesia. Ginagamit din ang pondong ito sa pagpapalaganap ng kasinungalingan laban sa Pamamahala at sa Iglesia. Ito ang mga taong may hawak ng kanilang Restore the Church Fund:
 

Sino ang mga taong ito? Higit mo bang pagtitiwalaan ang mga taong ito kaysa sa Pamamahala ng Iglesia? Sino ang mga taong ito para pagtiwalaan ng gayong pondo? Sila ang sumisigaw na wala raw “transparency” ngayon sa Iglesia, subalit ang totoo pala ay sila ang walang “transparency” sa kanilang Restore the Church fund! Ukol dito ay ganito ang sinasabi ng Biblia:

“Mga kapatid, ipinamamanhik ko sa inyo na bantayan ninyo ang mga gumagawa ng pagkakahatihati at naglalagay ng hadlang sa inyong landas, mga aral na labag sa mga aral na tinanggap ninyo. Lumayo kayo sa kanila. Ang mga taong tulad nila ay hindi talagang naglilingkod kay Cristong ating Panginoon, kundi sa sariling kapakinabangan.  Dinadaya nila ang mga walang malay sa pamamagitan ng magandang pananalita at pambobola.” (Roma 16:17-18 NPV)


TANDAAN, ANG PAGTULONG O PAKIKIISA SA “RESTORE THE CHURCH FUND” AY PAGSUPORTA SA GAWAIN NG MGA ANTICRISTO NA ANG TALAGANG LAYUNIN AY SIRAIN ANG IGLESIA.

Kaninong panig kayo?
Sa Pamamahala ng Iglesia na ang Diyos ang naglagay o sa mga Anticristo na naglalayon na sirain ang Iglesia?



8 comments:

  1. napaka desperado ng mga fallen angel... Lalong nahayag na sila ang makabagong Anti-Cristo...

    ReplyDelete
  2. Kahit anong gawin ng mga tao iyan walang mangyayari dahil ang Dios ay nasa panig ng INC. Ang kakapal ng pagmumukha nila. Nasa gantihin na ng Dios at ibigay na ang parusa para sa mga kumakaaway sa Pamamahala.

    ReplyDelete
  3. This comment has been removed by the author.

    ReplyDelete
  4. Kahit isang kusing wala akong ibahagi sa kanila ,lalo na at alam ko na ang mga gawain nilang masasama.Alam ko na rin kong saan nila gagamitin ang mga malilikom nila.Ang lalakas ng loob na gumawa ng Restore the church fund akala nila habang buhay nila maitago ang mga kasamaan nila.Buking na kayo mga fallen angels.Lahat ng itinanim ninyo unti unti na ninyong inaani ngayon.Salamat sa Dios at hinayag nya ang mga kasamaan ninyo.Hindi talaga papayag ang Dios na manatili kayo sa loob ng kawan dahil kailanman hindi kayo naging karapatdapat.

    ReplyDelete
  5. Mas mabuti nalang sana na hindi sya naging INC. Ang laki ng pananagutan nya. Narinig nya ang katotohanan na galing sa Biblia pero tinalikuran nya.

    ReplyDelete
  6. Kilala ko si Bob Caleb. Kaibigan ito ni Louie Cayabyab. Palaging nauulat dahil sa PERA. Ang tawag sa kanya ay master of SCAM dahil sa dami ng naloko. Kawawa naman lahat ng nagbigay ng PERA.

    ReplyDelete
  7. Sayang nasa kamay na ninyo ang daan ng katutohanan baket pinuspos ni satanas ang inyong puso at masamang kaisipan? Dahil ba sa selos dahil ba sa di kayo nabigyan ng pabor na gusto ninyo? O naman dahil sa interest pansarili. Ibig sabihin laban kayo sa katwiran ng Dios at ng pamamahala na ibinigay ng Dios sa Tagapamahalang Pangkalahatan para sa Iglesia.

    ReplyDelete
  8. Halos lahat sa kanila may "Alias".Talagang hayag na hayag na may itinatago.Yan ba ang dapat pagtiwalaan?Nasa panig na sila ng tunay na iglesia subalit mas pinili nilang hindi magpapasakop.Kaawa awa ang mga maililigaw nyo pero sa huli,hindi pa rin kayo magtatagumpay.

    ReplyDelete

Know why more and more people worldwide convert to Iglesia Ni Cristo (Church Of Christ). Learn more about this Church and find out what makes it unique.

Learn More About Iglesia Ni Cristo (Church Of Christ)