Sino ang tunay na may-ari ng #36 Tandang Sora?

ANSWERING “FALLEN ANGELS”

Punto-por-Punto na Pagsagot sa mga Kumakalaban sa Pamamahala

part 53

SINO ANG

TUNAY NA MAY-ARI NG

#36 TANDANG SORA?

Sino ang tunay na

nang-agaw?

Ang kasaysayan ng #36 Tandang Sora ang magpapaunawa kung sino talaga ang tunay na may-ari ng loteng ito

 NGAYON ay hayagang inaangkin ng mga End-Time Antichrists (fallen angels) na ang #36 Tandang Sora ay pag-aari at nakapangalan daw kay Lottie at Ka Ed Himedez. Naglabas pa sa page ni Kelly Ong (Joy Yuson) at Benito Affleck (Bless Grace Hernandez) ng mga “dokumento” na nagpapatunay na ito raw ay pag-aari nina Lottie at Ka Ed Himedez. Subalit, ang kasaysayan ng loteng ito na tinatawag natin ngayon na #36 Tandang Sora ang MAGPAPAKILALA kung sino talaga ang may-ari at sino ang nag-aangkin lamang.

ANG KASAYSAYAN NG #36 TANDANG SORA

Ang #36 Tandang Sora ay hindi noon bahagi ng EGM compound noong ihandog ang Central Office complex noong 1971. Hindi siya kabilang sa original na 26 hectares na binili noon ng Iglesia na siyang pinagtayuan ng Tanggapang Pangkalahatan. Iba ang may-ari nito noon. Ganito ang pagkakadiskripsiyon nito ng isang tumira sa dakong ito mismo:

“Diyan kami nakatira noong bata pa ako, mga 1975 hanggang 1977 sa mismong tinatawag ngayon na #36 Tandang Sora. Ang bahay noon ni Ka Erdy ay nakabukod at maliit pa noon ang EGM compound. Kaya ang loteng iyan ay napapalibutan na ng compound ng Iglesia na ang tanging right of way na lamang ay ang tapat ng Tandang Sora. Natira kami diyan kasi noong mabili iyan noong 1970s ay pinatayuan iyan ng mga barracks (bahay) ng mga guwardiya at mga naglilingkod sa ating konstruksiyon. Ang bahay noon ni Ka Erdy ay may malaking gate na nakatapat sa amin, hindi sa Tandang Sora. Minsan ay lumalabas si Ka Erdy sa compound nila para kumustahin ang mga kapatid, at may ilang beses na ipinatawag kami noon ni Ka Erdy at binigyan kaming mga bata ng piso at t-shirt. Noong mga 1977 ay inilipat kaming mga nakatira diyan sa tinatawag noon na “Taxi” (ngayon ay ang kinatatayuan ng main building ng New Era University). Doon pa lamang binakuran iyang loteng iyan ng husto pati ang bahaging nakatapat sa Tandang Sora at naging bahagi ng EGM compound ang tinatawag nila ngayong #36 Tandang Sora. Noong mag-asawa si Lottie at Ka Ed noong 1980s ay nagpatayo sila ng bahay nila diyan sa compound na iyan.”

Ang #36 Tandang Sora ay hindi original na bahagi ng 26 hectare lot na nabili ng Iglesia noong katapusan ng 1960s. Nabili lang ito noong 1970s.

Samakatuwid, ito ang FACTS sa #36 Tandang Sora o EGM compound: (1) ang #36 Tandang Sora ay hindi original na bahagi ng 26 hectare lot na pinagtayuan ng Central Office compound noong 1971, kundi bukod na nabili noong 1970s; (2) tinayuan pa ito ng baracks at tinirhan ng mga naglilingkod sa Iglesia at pamilya nila noong 1975-1977; (3) noon lamang 1977 nang ganap na sakupin at gawing bahagi ng EGM compound ang #36 Tandang Sora; (4) nag-asawa lamang si Lottie at naging bahagi ng pamilya ni Ka Erdy si Ka Ed Himedez noong 1980s; at (5) at noong makasal sila nang magpatayo ng bahay dito si Lottie at Ka Ed Himedez.

ITO NGAYON ANG TANONG NATIN KANILA LOTTIE HIMEDEZ, BLESS GRACE HERNANDEZ, JOY YUSON AT IBA PA NILANG MGA KASAMAHAN:

(1) Kung nabili at tinayuan ng barracks noong 1970s, at pagkatapos ay naging bahagi na ng EGM compund itong pinag-uusapang #36 Tandang Sora noong 1977, tama bang sabihin na si Ka Ed Himedez na ang may-ari nito at tama bang ito ay nakapangalan sa kaniya?

Si Ka Ed Himedez ay nakasal lamang kay Lottie at naging bahagi ng pamilya ni Ka Erdy noon lamang 1980s, samantalang ang #36 Tandang Sora ay nasa posesyon na ng Iglesia (tinayuan na nga ng mga barracks at pagkatapos ay binakuran na) noon pang 1970s. Kaya noong nabili ang #36 Tandang Sora noong 1970s ay TIYAK NA HINDI ITO NAKAPANGALAN KAY KA ED HIMEDEZ.

(2) Noon bang nabili ang #36 Tandang Sora noong 1970s ay si Lottie ang bumili? Siya na ang may-ari? Sa kaniya na nakapangalan?

Papaanong siya ang bumili o magiging may-ari ng #36 Tandang Sora noong 1970s gayong high school lang siya noon at college? Bata pa si Lottie noon papaanong siya ang bumili niyan? Baka naman sa kaniya lamang ipinangalan? ABA ANOMALYA IYAN. Iglesia ang magbabayad pagkatapos sa isang high school/college pa lamang ipapangalan ang loteng iyan? Subalit, alam nating walang ganong pangyayari. Samakatuwid, noong mabili ang #36 Tandang Sora noong 1970s ay TIYAK NA HINDI SI LOTTIE ANG BUMILI, HINDI SA KANIYA NAKAPANGALAN, HINDI SIYA ANG MAY-ARI.

(3) Maitatanggi ba o maikakaila na ang Iglesia ang bumili sa #36 Tandang Sora noong 1970s kaya ang Iglesia ang may-ari, sa Iglesia ito nakapangalan?

Tandaan na binakuran ito ng Iglesia noong 1970s, tinayuan ng mga baracks na tinirhan ng mga naglilingkod sa Iglesia at ng kanilang pamilya, pagkatapos noong 1977 ay isinama na o ginawang bahagi ng EGM compound.

Papaanong babakuran ito? Papaanong makapagtatayo ng barracks dito? Papaanong bandang huli’y sasakupin ng EGM compound ang loteng ito kung hindi pa ito nabibili ng Iglesia noong 1970s? ANG MALIWANAG NA KATOTOHANAN NA NASA POSESYON NA ITO NG IGLESIA NOONG 1970S AY NAGPAPATUNAY NA ANG IGLESIA ANG MAY-ARI NITO.

(4) Kung ang loteng #36 Tandang Sora ay nasa posesyon na ng Iglesia at noong 1980s lamang naging mag-asawa sina Lottie at Ka Ed Himedez, papaano magiging nasa pangalan nila ang loteng ito? Papaanong ang mag-asawang ito ang magiging may-ari ng loteng ito?

Matatayuan ba ito ng barracks ng Iglesia at mababakuran noong 1970s kung hindi na niya pag-aari ang loteng ito? Papaanong noong 1970s nang mapasa-posesyon ng Iglesia ang loteng ito ay nakapangalan na kanila Lottie at Ka Ed Himedez samantalang baka hindi pa nga sila magkakilala noon? ANG KATOTOHANANG 1970S PA AY NASA POSESYON NA NG IGLESIA ANG LOTENG ITO AY NAGPAPAKITANG IMPOSIBLE NA HINDI ANG IGLESIA ANG MAY ARI NITO AT SINA LOTTIE AT KA ED NA NAGING MAG-ASAWA LAMANG NOONG 1980S.

Dahil sa 1970s pa ay nasa posesyon na ng Iglesia ang #36 Tandang Sora, kaya

kung may dokumento na maipakikita ang mga End-Time Antichrists

na ang loteng ito ay nasa pangalan nina Lottie at Ka Ed Himedez

SINO NGAYON ANG NANG-AGAW NG LUPA?

SINO NGAYON ANG NANDAYA NG DOKUMENTO?

SINO NGAYON ANG IPINANGALAN NILA SA

KANILA ANG PAG-AARI NG IGLESIA?

Kung 1970s pa ay nasa posesyon na ng Iglesia ang #36 Tandang Sora, at 1980s lamang naging mag-asawa sina Lottie at Ka Ed Himedez,

HINDI BA’T ISANG MALAKING ANOMALYA

ang makapagpakita sila ng dokumento na ang loteng ito ay nakapangalan sa mag-asawa?

Samakatuwid, ang ibinibintang nila na ang mga lupa at ari-arian daw ng Iglesia ay unti-unting inililipat sa pamilya nina Ka Jun Santos at Ka Babylyn Manalo

AY SINA LOTTIE PALA ANG TUNAY NA GUMAWA

Ang kakatwa pa ay sila rin mismo ang nagbigay ng katibayan na sila Lottie at Angel ang gumawa ng ibinibintang nila. Kaya, kahit libo-libo pa ang dokumento na ipinakita nila ay iyon din ang libo-libong katibayan na sila ang nang-aagaw ng lupa at ipinangalan sa kanilang sarili ang ari-arian ng Iglesia.