Lumabas na ang Warrant of Arrest para kay Lowell Menorca II, Nasaan siya?

ANSWERING “FALLEN ANGELS”

(“End-Time Antichrists”)

Point-by-point discussion answering those opposing

the Church Administration

part 66

WARRANT OF ARREST NI

LOWELL “BOYET” MENORCA II

LUMABAS NA

[ANG IBA’T IBANG REGIONAL TRIAL COURT SA BUONG BANSA AY ISA-ISA NANG NAG-I-ISSUE NG WARRANT OF ARREST LABAN KAY LOWELL “BOYET” MENORCA]

“Sa pagkakataong ito ay tiyak na

hindi mahihirapan at totoo ang magiging

iyak ni Lowell Menorca II”

SI Lowell “Boyet” Menorca II ang nagsampa ng kaso sa korte laban sa Pamamahala ng Iglesia Ni Cristo, hindi lamang sa mga miembro ng Sanggunian, kundi kasamang inireklamo nila sa korte ang Kapatid na Eduardo V. Manalo, ang mahal nating kasalukuyang Tagapamahalang Pangkalahatan ng Iglesia. Sa unang pagdinig ng Court of Appeals sa isinampang kaso ni Menorca laban sa Pamamahala ng Iglesia ay nagmalaki siya na “absent” o wala at hindi siya hinarap ng mga inakusahan niya. Pinalalabas niyang “hindi siya maharap” ng mga miembro ng Sanggunian. Subalit, ang totoo ay alam naman natin na sa paglilitis sa korte ay maaaring ang abogado lamang ang humarap. Ang pagharap ng abogado lamang sa paglilitis ay pinapayagan ng korte, maliban na kung talagang ipag-utos ng korte na humarap ang mga kinauukulan.

TANDAAN NATIN NA MINAMASAMA NI LOWELL MENORCA II ANG PAGHARAP SA PAGLILITIS NG ABOGADO LAMANG, ANG GUSTO NIYA AY HUMARAP DIN SA KORTE ANG ISINASAKDAL.

Ang Regional Trial Court of Lanao Del Sur branch 10 kamakailan lang ay naglabas ng “warrant for the arrest” para kay Lowell Menorca II kaugnay ng kasong libelo na isinampa laban sa kaniya. Ang “arrest warrant” ay nilagdaan ni presiding Judge Wenida B.M. Papandayan na may petsang December 8, 2015.

 

Subalit, hindi lang ito ang suliranin na kinakaharap ngayon ni Menorca sapagkat isa-isa nang naglalabas ng “warrant of arrest” laban sa kaniya ang iba’t ibang RTC sa buong Pilipinas dahil sa kasong libelo na isinampa sa kaniya ng iba’t ibang chapters ng SCAN sa buong kapuluan dahil sa kaniyang mapanirang statement na ang SCAN ay hitsquad diumano ng Sanggunian. Narito ang kabilang sa mga lugar kung saan ang chapter ng SCAN sa mga dakong ito ay nagsampa ng kasong libelo laban kay Menorca:

Albay,
Nueva Ecija,

Cagayan,
Camarines Sur,

Makati,
Las Piñas,

Parañaque,
Muntinlupa,
Pasay,
Taguig,
Bulacan,
Quirino,
Laguna,
Capiz,
Mindoro,
Zambales,
Mt. Province,

Ilocos Sur,

Isabela,
Cebu,
Bohol,
Catanduanes,
Misamis Oriental

Mayroon pang hindi nabanggit lalo na ang kamakailan lamang nagsampa ng kasong libelo laban kay Menorca.

Dalawa ang malaking suliranin dito ni Menorca: UNA, ang pagharap niya sa mga kasong ito na nakasampa sa iba’t ibang RTC branch na nakalaganap sa buong Pilipinas; at IKALAWA, ang hindi niya personal na pagharap sa mga kasong ito sa iba’t ibang RTC na nakakalat sa buong Pilipinas ay lumalabas na kinain niya ang kaniyang sariling salita na ipinahayag niya laban sa Pamamahala ng Iglesia sa social media.

KUNG HINDI SIYA LILITAW SA BAWAT PAGLILITIS SA BAWAT RTC NA MAY NAKASAMPANG KASONG LIBELO LABAN SA KANIYA, KINAIN NIYA ANG SALITA NIYANG ITO:

 

Minasama niya at pinupuna ang mga miembro ng Sanggunian na mga abogado lamang na kumakatawan sa kanila ang dumalo sa paglilitis sa korte. Bagamat sa katotohanan ay hindi tinutulan kundi sinasang-ayunan ng batas na maaaring ang abogado lamang ang humarap (lalo na’t wala namang kautusan ang korte na sila’y humarap), IGINIIT PA RIN NI MENORCA NA “the respondents should be present at all” [“ang inirereklamo ay dapat laging presente sa lahat (ng pagdinig)].

SAMAKATUWID, sa lahat ng paglilitis sa lahat ng RTC branch na binanggit natin sa unahan na pawang may isinampang kaso laban kay Menorca ay dapat PRESENTE siya dahil siya rin ang nagsabi na “the respondents should be present at all”. Hindi rin niya maaaring idahilan na kaya hindi siya makararating ay UNAWARE siya na dapat siyang dumalo sapatkat pinupuna nga niya ito. Kaya, ABANGAN NATIN, dadaluhan ba niya ang lahat ng paglilitis sa lahat ng RTC branch na may nakasampang kaso laban sa kaniya o kakainin niya ang sarili niyang salita dahil NADUWAG siya?

Bakit daw ayon kay Menorca ay kailangang laging presente sa lahat ng paglilitis ang respondent o inirereklamo? Sundan pa natin ang kaniya mismong pahayag.

KUNG HINDI SIYA LILITAW SA BAWAT PAGLILITIS SA BAWAT RTC NA MAY NAKASAMPANG KASO LABAN SA KANIYA, BATAY SA KANIYANG NAGING PAHAYAG, ANG HINDI NIYA PAGDALO AY PAG-AMIN NIYA NA TOTOO ANG ISINASAMPANG KASO LABAN SA KANIYA:

Ayon kay Menorca, ang pagharap daw sa paglilitis sa korte ay pagbibigay ng pagkakataon ng nagrereklamo sa inirereklamo upang harapang sabihin doon sa korte na nagsisinungaling ang nagrereklamo. Ang sabi niya, “I AM GIVING THE SANGGUNIAN (ang inirereklamo) THE CHANCE TO FACE US (ang nagrereklamo) IN COURT AND SAY TO OUR FACE THAT WE ARE LYING.”

Tandaan na hindi ito pahayag namin, kundi pahayag mismo ni Lowell Menorca II. Kaya hindi ito maibabalik sa amin o magagamit laban sa amin, sapagkat sinusundan lamang namin ang sinabi ni Lowell Menorca II. Batay sa kaniya mismong sinabi, kung hindi haharap sa paglilitis sa korte ang inirereklamo ay para na ring inaming totoo ang inirereklamo sa kaniya. IBALIK NATIN ANG SINABI NIYANG ITO SA KANIYA.

Ngayong nagsampa ng kaso ang iba’t ibang chapters ng SCAN at sinasabing nagsisinungaling si Menorca, at mapanirang-puri ang pahayag niya laban sa kanila, kaya binibigyan nila (ang ga SCAN members) ng pagkakataon si Menorca na harapin sila sa korte at harapang sabihing nagsisinungaling sila.

Kaya, ang hindi mo pagsipot o pagharap sa mga paglilitis sa iba’t ibang branch sa buong Pilipinas na may nakasampang kaso laban sa iyo ay hindi lamang pagkain  ng iyong salita na sinipi namin sa unahan, kundi  inaamin mo na ikaw ang nagsisinungaling at sila ang nagsasabi ng totoo. ABANGAN, kung paninindiganan niya ang kaniya mismong mga pahayag.

KUNG HINDI MO SISIPUTIN ANG LAHAT NG PAGLILITIS SA LAHAT NG RTC SA BUONG PILIPINAS NA MAY NAKASAMPANG KASO LABAN SA IYO AY NAGPAPATUNAY NA ISA KANG MALAKING DUWAG

 

Dito ay muling nagpakita ng kayabangan si Lowell Menorca II. Naghihintay daw siya sa pagharap sa kaniya ng mga miembro ng Sanggunian, at ang paghaharap daw nilang ito sa korte ay tulad daw sa pagharap ni David (siya raw iyon) at ng mga Goliaths (ang mga miembro raw ng Sanggunian). MATAPANG NGA BA SIYA O PURO PAGYAYABANG LANG SA SOCIAL MEDIA? ANG TAPANG BA NIYA AY TOTOO O HANGGANG FB LANG?

Sundan natin ang kaniyang sinasabi (for the sake of argument), handang-handa ka at para bang sabik na humarap sa “mga Goliaths o mga “higante”, subalit ang mga SCAN members na nagsampa sa iyo ng kaso ay hindi “mga goliaths” o hindi mga higante kundi mga karaniwang mamamayan at mga karaniwang kaanib lamang sa INC. Kung tutuusin sa pagkakataong ito, kumpara sa mga members ng SCAN ay ikaw pa nga ang lumalabas na “higante” di ba? HAHARAPIN MO BA SILA?

Samakatuwid, sinusundan lamang naman namin ang salita mo Menorca, ang hindi mo pagharap sa mga SCAN members sa korte (sa lahat ng mga RTC branch kung saan ay nagsampa sila ng kaso laban sa iyo) ay NAGPAPAKITANG ISA KANG MALAKING DUWAG.

SUBALIT, DECEMBER 8, 2015 PA LUMABAS

ANG WARRANT OF ARREST LABAN SA IYO LOWELL MENORCA II,

NASAAN KA NA? HINDI KA BA NAGTATAGO?