Isang Panawagan sa Lahat ng mga Kapatid

iSANG PANAWAGAN SA LAHAT 

NG MGA KAPATID:

HUWAG TAYONG MAGPADALOS-DALOS AT MANINIWALA AGAD SA MGA BALI-BALITA

SA kasalukuyang mga posts ng mga Kumakalaban sa Pamamahala ay makikita natin na natutupad o nangyayari lamang ang ipinagpauna na natin na kanilang masamang plano o balak laban sa Pamamahala at sa Iglesia:

WITH THE INFORMATION, EVIDENCES, AND PROOFS PRESENTED IN THIS BLOG (THE IGLESIA NI CRISTO), THE ULTERIOR MOTIVE OF AE’S GROUP IS CRYSTAL CLEAR:

(1) To rally the brethren against the so-called corruptions of Sanggunian members then,

(2) Accused the Executive Minister of not doing any disciplinary actions to the “thieves and corrupt” within his very circle making him appear SPINELESS, POWERLESS, CAN BE EASILY FOOLED and thus INCAPABLE to lead the church to a holy, without spot or blemish, and worthy of salvation come Judgment Day, and ultimately,

(3) Replace the present Executive Minister, Bro. Eduardo V. Manalo, by SOMEONE who has the capacity to restore the church to its clean and glorious posture like the time of Bro. Eraño G. Manalo’s unblemished leadership.

THIS IS THE MASTER PLAN OF THE DEVIL AGAINST THE TRUE CHURCH OF CHRIST IN THESE LAST DAYS USING AE’s GROUP!

Kitang-kita rin natin na natutupad ang ipinagpauna na sa atin ng Pamamahala sa kaniyang mensahe sa atin sa kaarawan ng ating Pasalamat nitong Hulyo, 2015:

“Ano pa ang ibinabala ng ating Panginoong Jesucristo na mangyayari kaya napakahalaga na manatili tayong tapat sa turo na ating tinanggap? Ganito ang ibinabala ng ating Panginoong Jesucristo na mababasa natin sa Mateo 24:8-12:

“Ang mga bagay na ito ang pasimula ng mga kapighatian at sakit. At kayo’y ipauubaya  na nila sa kapinsalaan. Papatayin nila kayo. Kapopootan kayo ng buong daigdig dahil sa Aking pangalan. Maraming tao ang susuko at tatalikod na sa panahong iyon. Ipagkakanulo ng mga tao ang isa’t isa. Mapopoot sila sa isa’t isa. Darating ang maraming huwad na tagapagturo ng relihiyon. Lolokohin nila ang maraming tao at dadalhin nila sa likong landas. Dahil sa mga taong lumalabag sa mga batas at dahil ang kasalanan ay nasa lahat ng dako, ang pag-ibig  sa puso ng mga tao ay manlalamig. (Salin sa Filipino mula sa New Life Version)

“Dito’y malinaw na ibinabala ang matinding pagsubok na daraanan ng mga hinirang ng ating Panginoong Jesucristo sa mga huling araw. Hindi lamang ang mga kapighatian at mga sakit  ang daranasin nila. May mga ipauubaya sa kapinsalaan, papatayin, at kapopootan ng buong daigdig dahil sa pangalan ni Cristo o dahil sa kanilang pagka-Iglesia Ni Cristo. May mga tatalikod. Ipagkakanulo ng mga tao ang isa’t isa at mapopoot sila sa isa’t isa. Darating ang maraming huwad na tagapaturo ng relihiyon. Gagamit sila ng mga pandaraya at mga kasinungalingan para lokohin ang maraming tao at dalhin sa likong landas. Hindi lamang magbubunga ito ng pagtalikod sa pananampalataya, kundi maging ng panlalamig ng pag-ibig ng mga tao.”

Kaya, tunay na ang mga Kumakalaban sa Pamamahala ay kumikilos at gumagawa ng mga kwento upang galitin at kilusin ang mga kapatid laban sa Pamamahala. Subalit, huwag tayong padalos-dalos. Maging matalino tayong lahat sa pagpapasiya. Mag-isip at magsiyasat na mabuti?

Nakatitiyak ba tayo na totoo ang kanilang ipinakakalat? Gaano ito ka-authentic? Gaano ito katotoo? O ang lahat ay sa layunin lamang na galitin ang mga kapatid laban sa ating Tagapamahalang Pangkalahatan?

Ang ginagawa nga ba ng mga Kumakalaban sa Pamamahala ang kalooban ng Diyos o ang kagustuhan ng Diyos samantalang malinaw ang mga salita ng Diyos na nakasulat sa Biblia na:

Hebreo 13:17 MB

“Pasakop kayo sa mga nangangasiwa sa inyo.  Sila'y may pananagutang magbantay sa inyo, at magbibigay-sulit sila sa Diyos ukol dito.  Kung sila'y susundin ninyo, magagalak sila sa pagtupad ng kanilang tungkulin.  Kung hindi, sila'y mahahapis, at hindi ito makabubuti sa inyo.”

Ang layunin nga ba nila ay sa ikabubuti ng Iglesia o pansarili lamang? Ang paghahangad o pagkilos na magdudulot ng pagkakabaha-bahagi ng Iglesia ay nagpapatunay na hindi sa Panginoong naglilingkoid kundi sa sariling tiyan lamang sapagkat ganito ng maliwanag na sinasabi sa atin ng Biblia:

Roma 16:17-18 MB

“Ipinamamanhik ko sa inyo, mga kapatid, tandaan ninyo ang mga lumilikha ng pagkakampi-kampi at nagiging sanhi ng pagtalikod sa mga aral na tinanggap ninyo; iwasan ninyo sila. Ang mga gayong tao ay hindi naglilingkod kay Cristo na ating Panginoon, kundi sa kanilang makasariling hangarin, at sa pamamagitan ng kanilang magaganda at matatamis na pangungusap ay inililigaw nila ang mga mapaniwalain.”

Talaga bang ang kapakanan ng Iglesia ang kanilang hinahangad o nais lamang nilang “gamitin” ang pagmamahal natin sa dating Namahala sa Iglesia at sa kaniyang pamilya? May malinis nga ba silang layunin o NANGGAGAMIT lamang?

Ang dapat nating panghawakan ay hindi ang sinasabi ng sinuman kundi ang sinasabi ng Banal Na Kasulatan. Ganito ang itnuturo sa atin ng mga salita ng Diyos na nakasulat sa Biblia:

II Samuel 1:1-17 NPV

“Pagkamatay ni Saul, nagbalik si David buhat sa matagumpay niyang pakikipagbaka sa mga Amalecita. Tumigil siya nang dalawang araw sa Siclag. Nang ikatlong araw, dumating sa kanya ang isang lalaki mula sa kampo ni Saul.  Sira-sira ang kasuotan nito at puno ng alikabok ang ulo.  Nang dumating kay David, nagpatirapa siya sa harapan nito bilang pagbibigay-galang. "Saan ka nagbuhat?" tanong ni David.  Sumagot siya, "Tumakas po ako sa kampo ng mga Israelita." "Ano'ng nangyari?" tanong ni David.  "Sabihin mo sa akin."  "Tumakas po sa labanan ang mga lalaki," wika nito.  "Marami po ang napatay.  Si Saul at ang anak niyang si Jonatan ay napatay din." Sinabi ni David sa kabataang nagbalita sa kanya, "Bakit mo nalaman na si Saul at ang anak niyang si Jonatan ay napatay?" "Nagkataon pong ako'y nasa Bundok ng Gilboa," wika ng binata.  "Nakita ko si Saul na nakasandal sa kanyang sibat.  Malapit na po siyang abutan ng humahabol na mga kabayuhan at mga nakasakay sa mga karwahe. Nang lumingon siya at makita ako, tinawag po ako.  Sinabi ko po, 'Ano ang magagawa ko?' "Tinanong po niya kung sino ako."  "'Isa pong Amalecita,' tugon ko naman. "Pagkatapos, sinabi po sa akin, 'Lumapit ka't patayin mo na ako!  Malubha na ang kalagayan ko, ngunit buhay pa ako.' " 10"Lumapit nga po ako at pinatay ko siya, pagkat alam kong pag nabuwal siya, hindi na mabubuhay.  Kinuha ko po ang kanyang korona sa ulo, pati ang bigkis sa kanyang braso at dinala ko sa inyo, aking panginoon." Hinapak ni David at ng lahat ng mga kasamahan niya ang kanilang mga kasuotan, at pinunit. Nagluksa sila, tumangis at nagayuno hanggang gabi dahil sa pagkamatay nina Saul at ng anak nitong si Jonatan, at sa sinapit ng hukbo ng PANGINOON. Tinanong ni David ang lalaking nagdala ng ulat, "Tagasaan ka?"  "Anak po ako ng isang dayuhan, ng isang Amalecita," tugon niya. Tinanong uli siya ni David, "Hindi ka ba natakot sa pagpatay sa pinahiran ng langis ng PANGINOON?" Pagkatapos, tinawag ni David ang isa sa mga tauhan niya, "Patayin mo ang taong ito!" At pinatay nga ang nasabing tao. Sapagkat sinabi sa kanya ni David.  "Ang dugo mo'y mapasa iyong ulo.  Ikaw na rin ang nagpatotoo laban sa iyo nang sabihin mong, 'Pinatay ko ang pinahiran ng langis ng PANGINOON."' Itinangis ni David ang pagkamatay nina Saul at Jonatan.”

Pinatay at pinarushan ang nag-angat ng sandata laban sa pinahiran ng Panginoon. Pansinin, na ang pumatay o nanakit laban kay Saul ay pinatay rin o pinarusahan. Ang sabi sa kaniya ni David ay "Hindi ka ba natakot sa pagpatay sa pinahiran ng langis ng PANGINOON?... Ang dugo mo'y mapasa iyong ulo.  Ikaw na rin ang nagpatotoo laban sa iyo nang sabihin mong, 'Pinatay ko ang pinahiran ng langis ng PANGINOON.” Hindi pala maaaring ikatuwiran ng isang tao na “nagkamali” o “iniwan na ng Panginoon” ang hari upang siya’y saktan o labanan. Alam natin ang ginawang pagtugis ni Saul kay David at ang pagtatangka niyang pagpatay kay David. Subalit, wala anumang sapat o makatuwirang dahilan para laban o saktan ang “Pinahiran ng Panginoon.” Ano lang ang itinuturo sa atin ng Biblia ng pangyayaring ito? Wala tayong karapatan na siyasatin, at lalo na ang labanan ang Pinahiran o inihalal ng Diyos. Ang lumaban sa Pinahiran ng Panginoon ay hindi sasang-ayunan ng Diyos at tiyak pang parurusahan gaya ng Amalecita na nanakit at pumatay kay Haring Saul ng Israel. Hanggang sa panahong Cristiano ay mahigpit na nagbabala ang Diyos sa pamamagitan ng mga apostol na tiyak na parurusahan ang lumaban sa Pamamahala na inilagay ng Diyos sa Iglesia. Ganito ang sinasabi sa atin ng Banal Na Kasulatan:

Judas 1:10-13

“Datapuwa't ang mga ito'y nangalipusta sa anomang bagay na hindi nila nalalaman: at sa mga bagay na talagang kanilang nauunawa, ay nangagpapakasira na gaya ng mga kinapal na walang bait. Sa aba nila! sapagka't sila'y nagsilakad sa daan ni Cain, at nagsidaluhong na walang pagpipigil sa kamalian ni Balaam dahil sa upa, at nangapahamak sa pagsalangsang ni Core. Ang mga ito'y pawang mga batong natatago sa inyong piging ng pagiibigan, kung sila'y nakikipagpiging sa inyo, mga pastor na walang takot na nangagpapasabsab sa kanilang sarili; mga alapaap na walang tubig, na tinatangay ng mga hangin; mga punong kahoy sa taginaw na walang bunga, na makalawang namatay, na binunot pati ugat; Mga mabangis na alon sa dagat, na pinagbubula ang kanilang sariling kahihiyan; mga bituing gala na siyang pinaglaanan ng pusikit ng kadiliman magpakailan man.”

II Pedro 2:10 at 12

“Datapuwa't lalong - lalo na ng mga nagsisilakad ng ayon sa laman sa masamang pita ng karumihan, at nangapopoot sa pagkasakop.  Mga pangahas, mapagsariling kalooban, sila'y hindi natatakot na magsialipusta sa mga pangulo…

“Datapuwa't ang mga ito, na gaya ng mga kinapal na walang bait, na ipinanganak na talagang mga hayop upang hulihin at lipulin, na nagsisialipusta sa mga bagay na hindi nila nalalaman ay walang pagsalang lilipulin sa kanila ring pagkalipol.”

Magpakalino tayo mga kapatid at huwag padalos-dalos. Magpasiya tayo at kumilos hindi ayon sa sinasabi ng sinuman kundi ayon sa sinasabi ng Banal Na Kasulatan. Huwag tayong papayag na “pagamit” para sa buktot na layunin ng sinuman. MANATILI PO TAYONG LAHAT SA PANIG NG PAMAMAHALA.