23 January 2016

Ang Katotohanang lumalabas ngayon ay ang sa INC at hindi ang sa kampo nina Lottie at Angel



ANSWERING “FALLEN ANGELS”
(“End-Time Antichrists”)
Point-by-point discussion answering those opposing
the Church Administration
part 75


ANG KATOTOHANANG
LUMALABAS NGAYON AY
HINDI ANG SINASABI NG KAMPO
NINA LOTTIE AT ANGEL, KUNDI
ANG SINASABI
NG INC

Patuloy na lumalabas ang mga patotoo na nagpapasok sila ng mga di kilalang armadong kalalakihan sa No. 36 Tandang Sora na nagsasapanganib sa seguridad ng INC Central Office at ng Tahanan ng Tagapamahalang Pangkalahatan

 


NOON pa man ay sinasabi na ng INC na nagpapasok ang kampo nina Lottie at Angel ng mga hindi kilalang armado at “nakamaskarang” mga lalake sa loob ng compound ng No. 36 Tandang Sora kung saan ay katabing-katabi lamang ng compound ng INC Central Office at ng tinitirhan ng kasalukuyang Tagapamahalang Pangkalahatan ng Iglesia Ni Cristo, ang Kapatid na Eduardo V. Manalo. Sapagkat ito ay MALAKING PANGANIB hindi lamang sa seguridad ng INC Central Office, kundi maging ng ating minamahal na Tagapamahalang Pangkalahatan at ng kanilang pamilya, kaya ang INC ay GUMAWA NG LEGAL NA HAKBANG. Nagsampa ang INC ng Petition for Injunction sa korte:

“The court’s order for inspection is part of the ongoing case INC filed against Angel Manalo and company seeking legal injunction of its property. This was prompted by CCTV-recorded incidents in which unidentified men wearing masks were coming in and out of the property without due permission from INC officials.” (Source: Eagle News)

Dahil nga sa nagpapapasok at nagpapatuloy ang kampo nina Lottie at Angel sa loob ng No. 36 Tandang Sora at ang nasabing compound ay may “access” sa INC Central Office at sa compound ng tahanan ni Kapatid na Eduardo V. Manalo kaya naglagay ng “bakod” ang INC upang magsilbing proteksiyon sa Iglesia at sa Tagapamahalang Pangkalahatan.

Subalit, ang sinasabi naman ng kampo nina Lottie at Angel ay ang “kasong” isinampa ng INC ay isang uri raw ng panggigipit at pang-aapi sa kanila. Ang paglalagay daw ng guardhouse at guwardiya sa gate ng No. 36 Tandang Sora ay pagsikil daw sa kanilang kalayaan. Pinalalabas din nilang ang “pagbabakod” ng INC ay “pagkulong” daw sa kanila at paglabag daw sa kanilang “human rights.” Nagpalabas pa si Lottie ng larawan sa social media kung saan ay “umaakyat siya ng hagdan” para palabasin na sila’y “nakakulong.” Nagpalaganap pa ang kanilang mga “alipores” sa social media na “free lottie and angel” campaign. Ang puno’t dulo pala ng mga ito ay para patigilin ang pagtatayo ng “bakod” ng Iglesia upang mapigilan ang pagsasara ng  “access” sa No. 36 Tandang Sora sa INC compound at sa tahanan ni Kapatid na Eduardo V. Manalo.

[Nota: Ang bakod na itinatayo ay hindi kumukulong sa tinitirhan nina Lottie at Angel kundi doon lamang sa mga bahagi na may “access” ang No. 36 Tandang Sora upang ito’y maisara para sa seguridad ng INC Central Office at ng tahanan ng Tahapamahalang Pangkalahatan]

KUNG TOTOO NA NAGPAPASOK SILA NG MGA DI KILALANG ARMADONG KALALAKIHAN SA NO. 36 TANDANG SORA KUNG SAAN SILA TUMUTULOY, AT PINIPILIT NILANG IPAHINTO AT IPAALIS ANG ITINATAYONG “BAKOD”, ANO SA PALAGAY NINYO ANG KAHULUGAN NITO? MASASABI BA NA SILA’Y MAY MALINIS NA INTENSIYON?

Ang pagtutol nila sa pagbabakod na ginagawa ng INC upang tiyakin ang seguridad ng INC Central Office at ng Tagapamahalang Pangkalahatan ay hindi maitatanggi. Subalit, ang itinatanggi nila at ipinagdidiinan na hindi raw totoo ay ang nagpapasok sila ng mga di kilalang armadong kalalakihan sa loob ng compound ng No. 36 Tandang Sora.

Kung totoo na nagpapasok sila at pilit pa ring nagpapasok ng mga di kilalang armadong kalalakihan sa No. 36 Tandang Sora ay LALABAS na hindi totoo na ang sinasabi nila na pang-aapi lang daw sa kanila kaya raw sila sinampahan ng kaso sa korte para sa Petition for Injunction, kundi ang totoo ay ang sinasabi ng INC na ito ay upang masiguro ang seguridad ng INC Cenral Office compound at ang compound ng tahanan ng Kapatid na Eduardo V. Manalo; hindi totoo ang sinasabi nila na ang dahilan daw ng paglalagay ng guardhouse at mga guwardiya sa harap ng gate ng No. 36 Tandang Sora ay para i-harass sila, kundi ang totoo ay ang sinasabi ng INC na ito ay para mapigilan ang pagpapasok ng mga di kilalang armadong lalake at maging ng anumang magsasapanganib sa seguridad tulad ng mga bomba at armas; at hindi rin totoo ang sinasabi nila na ang pagtatayo ng INC ng bakod ay pagkulong at pang-aapi raw kanila Lottie at Angel, kundi ang totoo ay ang sinasabi ng INC na ito ay para lang isara ang “access” at tiyaking walang “masamang elemento” na makapapasok sa INC Central Office at sa compound ng tahanan ng Tagapamahalang Pangkalahatan.

HINDI NGA BA TOTOO NA NAGPAPA-PASOK SILA NG MGA ARMADONG KALALAKIHAN SA LOOB NG COMPOUND NG NO. 36 TANDANG SORA?

Nailabas na namin ang mga larawang ito na nagpapakitang totoong may mga di-kilala, armado at nakamaskara pang mga kalalakihan na pinatuloy at pinapasok nina Angel at Lottie. Ito ang ilan sa mga larawang ating binabanggit:




Pakibasa ang aming artikulo ukol dito:


Sa video namang ito ay makikitang ipinipilit nila Lottie na papasukin ang mga armadong kalalakihan sa loob ng compound na pinigilan lamang ng mga security guard ng INC. Makikita rin kung papaanong inagaw nila ang “metal detector” at tinutukan ng baril ang mga guwardiya ng INC:


AT NGAYON AY MAY LUMABAS PANG DOKUMENTO NA IBINALITA NG ISANG PAHAYAGAN NA NAGPAPATUNAY NA ANG “MGA SECURITY” NI LOTTIE KAPAG DUMADALO NG HEARING AT LALO NA ANG ISINAGAWA NILANG PRESSCON NOONG JANUARY 15, 2016 AY “MGA SUNDALO” NA AYON SA NASABING PAHAYAGAN AY KATIBAYAN NA MAY PAGSASABWATAN SA PAGITAN NG KAMPO NINA LOTTIE AT “MGA ARMADONG KALALAKIHAN” NA AYON DAW SA MGA PROMINENTENG DOKUMENTO AY TINAWAG SILANG “MARINES”. Basahin natin ang nasabing News Article:

MILITAR KASAWSAW SA GUSOT SA INC (KONTSABAHAN NAKADOKUMENTO)
Hataw: Diaryo ng Bayan


NAGLITAWAN ngayong linggo ang mga dokumentong maaaring magturo sa pagkakasangkot ng militar sa awayan sa pagitan ng Iglesia Ni Cristo (INC) at ng kampo ng dalawang kapatid ni INC Executive Minister Eduardo V. Manalo na sina Lottie Manalo-Hemedez at Angel Manalo – hinggil sa #36 Tandang Sora, Quezon City na pagmamay-ari ng Iglesia.
Ang mga dokumento, nakadetalye ang iskedyul, oras, destinasyon at mga pagpipiliang hakbang sakaling may mangyaring iba sa inaasahan sa mismong araw ng press conference ni Hemedez na isinagawa noong nagdaang Biyernes, ika-15 ng Enero, ay prominenteng nagsasaad ng salitang “marines” na tumutukoy sa kanyang security escorts.
Isang aktibong marines na nagngangalang Reuben Santiago ayon sa isang dokumento ang tumayong leader ng security team para kay Lottie Hemedez, samantala isang nagngangalang Lowell Menorca II ang nakasaad na ‘main organizer.’   
Usap-usapan sa hanay ng mediamen ang kapansin-pansing mga kasamahan nito na nagbibigay seguridad kay Hemedez tuwing humaharap at nakikipagpanayam sa media.
Napabalita rin ang mainit na pakikipagtalo sa mga itinalagang security guard ng INC sa harap ng gate ng #36 Tandang Sora nang magpumilit pumasok sa nasabing address si Hemedez kamakailan lamang.
Pagkahupa ng nasabing gulo, nagpalitan ng akusasyon ang dalawang armadong kampo hinggil sa pagbunot umano ng armas ng kaalitang panig habang nakikipagtalo.
Nang tanungin tungkol sa nabanggit na dokumento, sinabi ni INC Spokesman Edwil Zabala na wala silang impormasyon hinggil dito, ngunit inamin na ang INC “ay nakatatanggap ng mga ulat sa paglabas-masok ng mga naka-bonnet na armadong kalalakihan” sa pinagtatalunang ari-arian sa compound ng INC.
“Ang paglabas-masok ng kahinahinalang mga taong nakatago ang mukha ay mismong dahilan kung bakit pinaaalis namin sa nasabing compound si Ms. Hemedez at ang mga kasamahan niya doong itiniwalag na miyembro ng Iglesia,” ayon kay Zabala.
Ayon sa ministro, pinaiiral ang “maximum tolerance” at hinahon sampu ng kanilang pagpayag sa patuloy na paninirahan sa nasabing compound ng Iglesia ni Hemedez at ng kanyang pamilya matapos matiwalag bilang miyembro ng INC.
“Ngunit, ang pagpasok at pananatili sa compound ng mga armadong lalaki ang siyang nagtulak sa amin na magpasyang putulin ang arrangement na ito,” paliwanag ni Zabala, “dahil sa implikasyon sa aming seguridad at bantang dulot ng mga kahinahinalang tao malapit sa headquarters ng Iglesia.”                
Ayon kay Zabala, ang “pagkakasangkot ng marines” at ang “coordinated media events” ng pamilya Hemedez “ay nagpapatunay lamang sa planado, sistematiko at organisadong kampanya upang gibain ang reputasyon ng INC.     
“Nakalulungkot dahil usaping legal ito na nakalagak sa pagpapasya ng hukuman ngunit tila determinado ang aming mga kritiko na gawin itong isang ‘media spectacle’ – kapalit ang pagkakakilanlan at imahe ng Iglesia.

Maitatanggi ba na walang masamang intensiyon kung nagpapapasok ng mga di-kilalang armadong kalalakihan at naka-bonnet pa, at TUTOL pa at ginagawa ang lahat para mapatigil ang pagtatayo ng bakod na nagsasara sa “access” nila sa INC Central Office at sa compound ng tahanan ni Kapatid na Eduardo V. Manalo?

SAMAKATUWID, ANG KATOTOHANANG LUMALABAS NGAYON AY HINDI ANG SINASABI NG KAMPO NINA LOTTIE AT ANGEL, KUNDI ANG SINASABI NG IGLESIA NI CRISTO.

SILA ANG TUNAY NA MAY MASAMANG INTENSIYON AT GINAGAWA AT HINDI ANG INC!


2 comments:

  1. Ang IGLESIA NI CRISTO ay TUNAY NA BAYAN nang DIOS....NAGNININGNING at pinaguusapan sa buong mundo.......gustong tularan nang mga INGGITERO at INGGITERA....pero hindi nila kayang tularan nang sinoman dahil ito ay sa DIOS......natutupad lamang po ang nakasulat sa HOLY BIBLE na kapag nakarating na sa buong mundo ang mga salita nang DIOS ang kasunod noon ay WAKAS o araw nang PAGHUHUKOM........ ! Mula sa isang tao ngayon ay BAYAN mo.......kaya po tayong mga tunay na IGLESIA NI CRISTO ay hwag malungkot o manglupaypay dahil ang DIOS ang ating kasama. Sinong makapaghihiwalay sa atin? Kung si Jesus ang ating kaagapay ?Subok na subok na po ang IGLESIA NI CRISTO hanggang kamatayan ......! Wala na po sanang hihiwalay.....! Abot tanaw na po natin ang kaligtasan.

    ReplyDelete
  2. Walang makakapigil sa INC dahil kumikilos ang kamay ng Dios sa pamamagitan ng Pamamahala.Hintayin niyo mga fallen angels ang paghihiganti ng Dios sa pananakit niyo sa niyan Niya.

    ReplyDelete

Know why more and more people worldwide convert to Iglesia Ni Cristo (Church Of Christ). Learn more about this Church and find out what makes it unique.

Learn More About Iglesia Ni Cristo (Church Of Christ)