Ang Pandaraya ni Antonio Ebangelista sa Pahayag ni Kptd. na Erano G. Manalo

ANSWERING “FALLEN ANGELS”

Punto-por-Punto na Pagsagot sa mga Fallen Angels

part 23

NASA BLOG DAW NI “ANTONIO EBANGELISTA”

ANG MGA EBIDENSIYA NG KATIWALIAN
TOTOO KAYA?

 

Ipinangangalandakan ni Isaias Samson Jr. at ng mga kasamahan niyang “Fallen Angels” na ang mga ebidensiya raw ng katiwalian at anomalya ng Sanggunian ay nasa blog ni “Antonio Ebangelista.” Ang totoo ay nasagot na natin ang mga “paratang” at “kasinungalingan” na inilathala sa blog ni “Antonio Ebangelista,” at isa ring katotohanan na HINDI NASAGOT O NAKATUGON si “Antonio Ebangelista” sa ating mga SAGOT sa kaniya. Subalit, hanggang ngayon ay ipinangangalandakan nina Jun Samson at mga kasama niya na “may ebidensiya” raw sa blog ni “Antonio Ebangelista” ukol sa katiwalian at anomalya na nagaganap daw ngayon sa Iglesia. Kaya, alang-alang sa mambabasa (kapatid at hindi kapatid) ay muli nating ipakita ang ating TUGON o SAGOT sa mga “alegasyon” at diumano’y mga ebidensiya ni “Antonio Ebangelista” upang HINDI SILA MAKADAYA.

#01

ANG PANDARAYA

NI ANTONIO EBANGELISTA

SA PAHAYAG NI KAPATID NA

ERANO G. MANALO

 

SA artikulo ni Antonio Ebangelista na inilathala sa kaniyang blog noong Mayo 27, 2015 na nasa wikang Hapones (Japanese), ay inilakip niya ang “ipinahayag” ni Kapatid na Eraño G. Manalo sa pagsamba na kaniyang pinangasiwaan sa Lokal ng Malabon noong 1985 na pinamagatan niyang “ANG BILIN NG SUGO, Kapatid na FELIX Y. MANALO sa Kapatid na ERAÑO G. MANALO UKOL SA PANANALAPI.” Inilakip niya ang “sipi” (quote) ng sinabi ni Ka Erdy ngunit sa Japanese translation na at may kalakip na English translation. Narito ang printscreen:

Ang tekstong ito ni Kapatid na Eraño G. Manalo ay orihinal na nasa wikang Tagalog. Sa diumano’y English translation ng “pahayag” ng Ka Erdy ay ganito ang inilathala ni Antonio Ebangelista sa kaniyang blog:

It is already sufficient the offering you give evry Thursday and Sunday…

Your Thanksgiving offering and your special offering…

You did not hear any circular saying, “brethren, give offering for the Central Temple being built…

“And most especially we DID NOT PAWN OR SELL ANY PROPERTIES, THE LANDS OF THE CHURCH…NO!!..” [Antonio Ebangelista, “ANG BILIN NG SUGO, Kapatid na FELIX Y. MANALO sa Kapatid na ERAÑO G. MANALO UKOL SA PANANALAPI.” 27 May 2015, emphasis by Antonio EbanghelIsta]

Dito po ay mahahayag ang malaking PANDARAYA ni Antonio Ebangelista. Ang sabi raw sa English ng pahayag ni Ka Erdy ayon sa inilathala ni Antonio Ebangelista sa kaniyang blog ay: “we DID NOT PAWN OR SELL ANY PROPERTIES, THE LANDS OF THE CHURCH…NO!!”

Napansin po ba ninyo ang salitang “SELL”? Ano po ba sa Tagalog ang salitang “sell”? Alam po namin na lahat kayo ang sagot ay “NAGBILI” o “NAGBENTA.” MAYROON PO BANG SINABI SI KA ERDY SA KANIYANG PAHAYAG NA SINIPI NI ANTONIO EBANGELISTA NA “NAGBILI” O “NAGBENTA”? narito po ang transcript ng “pahayag” sa teksto ni Ka Erdy na sinipi ni Antonio Ebangelista:

“Ang kabilin-bilinan sa akin ng sugo noong nabubuhay pa, ang sabi niya sa akin ‘pakatandaan mo, huwag na huwag kang mangungutang. At lalo na ang Iglesia, huwag na huwag mangungutang. Sa sandali na pasukin ang sinoman ng pangungutang, ay buwisit na ang kanyang buhay.’ Tinandaan ko ‘yun. Kaya pagka mayroon hong ipagagawa ang Iglesia, tinitingnan muna namin ang kabang yaman, tinatanong ko muna ang mga may hawak ng pananalapi, kaya ba ng Iglesia? Nung ipagawa ang Templo wala kayong narinig,wala kaming isinerkular, “mga kapatid, umabuloy kayo para doon sa ginagawang templo”, hindi po. Sapat na ‘yung dati ninyong abuluyan, Huwebes at Linggo, yang inyong pasalamat at inyong tanging handugan. Hindi kami humingi ng karagdagan sapagkat hindi namin sinimulan ang bagay na yun nang hindi sapat ang pananalapi ng Iglesia. At ngayon isang malaking Unibersidad ang itinatayo na ang halaga ay ‘sing halaga rin ng Templo, wala kayong kaalam-alam, wala kayong kamalay-malay, hindi namin kayo ginambala, at LALO NAMANG HINDI NAMIN ISINANLA ANG MGA PROPRIEDAD, MGA LUPA NG IGLESIA, PARA ANG IGLESIA AY MAGKAROON NG SALAPI NA ITUTUSTOS SA LAHAT NG KANYANG PANGANGAILANGAN. HINDI. Sapagkat bwisit ‘yang utang. Hindi ko naman sinasabi na bwisit ang lahat ng utang sapagkat mayroong iba, dahil talaga sa matinding kagipitan. Pero kayo na mag-isip ng sinasabi ko. Kung ‘yan ay ginagawa ng iba, pakay sa kanilang pagsasamantala, magagalit po ang Dios.” [Emphasis mine]

Ang talagang sinabi ni Kapatid na Eraño G. Manalo ay “at lalo namang HINDI NAMIN ISINANLA ANG MGA PROPRIEDAD, mga lupa ng iglesia, para ang iglesia ay magkaroon ng salapi na itutustos sa lahat ng kanyang pangangailangan. hindi.” Ano sa Ingles ang "sangla"?

“sangla. pledge, bond, mortgage, to pawn” [http://tagaloglang.com/Tagalog-English-Dictionary/English-Translation-of-Tagalog-Word/sangla]

Mapapansin na sa aktuwal na sinabi ni Ka Erdy ay wala po ang salitang “nagbenta” o “nagbili” (na ang katumbas sa Ingles ay “sell”). Wala pong katumbas na “sell” sa aktuwal na sinabi ni Kapatid na Eraño G. Manalo. Kaya ang paglalagay ni Antonio Ebangelista sa English translation ng “sell” AY ISANG MALIWANAG NA PANDARAYA.

SA MGA "FALLEN ANGELS,"

IYAN BA ANG SINASABI NINYONG "EBIDENSIYA" 

SA BLOG NI "ANTONIO EBANGELISTA"? 

PANDARAYA IYAN, 

HINDI EBIDENSIYA!