Angel, bakit mo pinayagang lapastanganin ang iyong ina sa social media ng iyong mga kasamahan?

ANSWERING “FALLEN ANGELS”
Punto-por-Punto na Pagsagot sa mga Kumakalaban sa Pamamahala

part 15

ANGEL, BAKIT MO PINAYAGAN NA “LAPASTANGANIN” ANG IYONG

INA SA SOCIAL MEDIA NG IYONG MGA KASAMAHAN?

KAHIT ano pa ang gawing pagtatangi, hinding-hindi maikukubli ang katotohanan na si Angel Manalo ang lider ng grupo na nag-aaklas ngayon laban sa Pamamahala ng Iglesia na kinabibilangan nina “Kelly Ong” (Joy Yuson), “Sher Lock” (Rovic Canono), Benito Afleck (Bless Grace Hernandez), at iba pa. Hindi maitatanggi ang kaniyang “participation” at siya ang tumayong lider sa kanilang nabigong “vigil” noong Hulyo, 2015. Kaya, hindi rin maikakaila na may kinalaman si Angel Manalo sa mga “post” sa social media ng kaniyang mga “tauhan” tulad ni Joy Yuson, a.k.a. “Kelly Ong.”

Angel, kung hindi mo maitatanggi na matagal mo nang tauhan si Joy Yuson (mula pa noong 1989), at hindi mo rin maitatanggi ang iyong “kapangyarihan” at impluwensiya sa mga taong ito, kung magkagayon, hindi mo rin maitatangi na may pananagutan at kinalaman ka sa mga “posts” o pinagsasabi nila sa social media. Alam kong sinusubaybayan mo at ng grupo ninyo ang THE IGLESIA NI CRISTO (obvious naman ang mga pruweba ukol dito), kaya alam kong mababasa mo at naiintindihan mo ang sinasabi kong ito.

Bakit natin ito binibigyan ng pansin at tindi sa lahat ng mga mambabasa at lalo na kay Angel Manalo mismo? SAPAGKAT PINAHINTULUTAN NIYA ANG KANIYANG PANGUNAHING “ALIPORES” NA SI JOY YUSON A.K.A. “KELLY ONG” NA LAPASTANGANIN ANG KANIYANG INA SA SOCIAL MEDIA.

Kahapon nang Agosto 15, 2015 ay may post si “Kelly Ong” sa kaniyang “page” na may pamagat na “GAANO KAHALAGA KUNG ANG NAMAMAHALA AT ANG PINAMAMAHALAAN AY BUONG INGAT NA SINUSUNOD ANG MGA KALOOBAN NG DIYOS?”:

 Image 01

Sa artikulong ito na pinost at pinalalaganap nila ngayon sa social media ay may sinasabing ganito:

Image 02

“PARA LANG MA-JUSTIFY NILA ANG PAGNANAKAW, PAGPATAY AT PANDARAYA AY ITINIWALAG ANG NAPAKABUTING MAYBAHAY NG KA ERDY.

“AT PARA MA JUSTIFY ANG PAGTITIWALAG SA KA TENNY, PINARATANGAN NILA NA NAGNAKAW.

“Kapatid na Eduardo, hindi po ba nakaabot sa inyong kaalaman ang mga paninira sa inyong INA ng mga ministrong katulong ninyo?

“BAKIT PO PINAPAYAGAN NINYONG LAPASTANGANIN NG MGA HAYOP NA ITO ANG INYONG MAGULANG?”

Angel, pumayag ka na isangkot ng mga “alipores” mo ang iyong ina sa ganitong uri ng post? Pumayag ka sa ganitong “post” sa social media na tinatawag  ang iyong ina na “nagnakaw”? Anong uri kang anak?

Ang sabi sa post na ito ay “AT PARA MA JUSTIFY ANG PAGTITIWALAG SA KA TENNY, PINARATANGAN NILA NA NAGNAKAW.” Ito ang tanong ko sa inyo:

(1) Saang official social media site ng Iglesia lumabas na tinawag si Ka Tenny na “nagnakaw” o sinasabing ang dahilan ng pagkakatiwalag sa kaniya ay dahil sa “nagnakaw”?

(2) Anong opisyal na dokumento ng Iglesia na tinawag si Ka Tenny na “nagnakaw” o sinasabing ang dahilan ng pagkakatiwalag sa kaniya ay dahil sa “nagnakaw”?

(3) Mayroon ba kayong audio recordings, video o anumang konkretong ebidensiya (hindi tsismis lang) na tinawang ng mga pangunahing katuwang ni Ka Eduardo o ng sinumang miembro ng sanggunian si Ka Tenny na “nagnakaw” o sinabing ang dahilan ng pagkakatiwalag kay Ka Tenny ay “nagnakaw”?

WALA! WALA KAILANMAN! WALA KAYONG MAIPAKIKITANG MATIBAY NA EBIDENSIYA NA SA PANIG NAMING MGA TUNAY NA IGESIA NI CRISTO ay tinawag si Ka Tenny na “magnanakaw” o sinasabing ang dahilan ng pagkakatiwalag sa kaniya ay dahil sa “nagnakaw”!

SAKSI ANG BUONG IGLESIA. Binasa sa lahat ng mga lokal sa buong mundo. Halos lahat ng mga kapatid ay nakarinig sa sirkular na magkakasama kayong itiniwalag at ang dahilan ng pagtitiwalag ay ang pagdudulot ng pagkakabaha-bahagi sa Iglesia.

SAMAKATUWID, ang pahayag na ito ni Joy Yuson na pangunahing alipores mo na “AT PARA MA JUSTIFY ANG PAGTITIWALAG SA KA TENNY, PINARATANGAN NILA NA NAGNAKAW” ay isang IMBENTO LAMANG NINYO sa layuning pasamain ang mga inaakusahan ninyo at higit sa lahat ay ang Kapatid na Eduardo V. Manalo. Ito ang katunayang inimbento lamang ninyo ang pahayag na ito na tinawag si Ka Tenny na “nagnakaw” para lamang pasamain si Ka Eduardo:

“Kapatid na Eduardo, hindi po ba nakaabot sa inyong kaalaman ang mga paninira sa inyong INA ng mga ministrong katulong ninyo?

“BAKIT PO PINAPAYAGAN NINYONG LAPASTANGANIN NG MGA HAYOP NA ITO ANG INYONG MAGULANG?”

ISIPIN NINYO (imagine this), sinabi ni Yuson “palalabasin ko na tinawag ng sanggunian na kaya tiniwalag si Ka Tenny ay dahil nagnakaw para magalit natin ang mga kapatid laban sa kanila at lalo na kay Ka Eduardo dahil pinayagan niya na lapastanganin ng ganiyan ang inyong ina” TAPOS SUMANG-AYON SI ANGEL? “Sige, i-post mo na tinawag si mommy na nagnakaw para magalit ang mga kapatid sa sanggunian at lalo na kay Kuya.”

Angel, ganon na ba kalaki ang galit mo at paninibugho kay Ka Eduardo para payagan mo ang pangunahing alipores mo na si Joy Yuson na i-post sa social media na tawagin ang inyong ina na “nagnakaw” para lang magalit ang mga kapatid sa sanggunian at kay Ka Eduardo? Sa pagkakataong ito Angel huwag mong sasabihin na “may batang nagbibiro lang” – HINDI ISANG “BIRO” LANG NA PAYAGAN NG ISANG ANAK NA TAWAGIN SA PUBLIKO ANG KANIYANG INA NA “NAGNAKAW” PARA LANG SA IKATUTUPAD NG SARILING INTERES!

HINDI NA MAGANDA ANG GINAGAWA MO ANGEL. Oo, bagamat tiwalag na ang Ka Tenny at hindi namin siya “ina sa laman” ay HINDI KAMI PAPAYAG NA PAGSALITAAN NG GANIYANG MGA SALITA SI KA TENNY! Napansin mo ba na hanggang ngayon ay “Ka Tenny” pa rin ang tawag namin sa kaniya? Naroon pa rin kasi ang respeto namin sa kaniya KAYA KAILANMAN AY HINDI KAMi KARIRINGGAN O KAKIKITAAN NG GANIYANG “MGA SALITA” LABAN SA ASAWA NG KAPATID NA ERANO G. MANALO. Ikaw pa na isang anak, isang kadugo, dugo at laman niya, PINAYAGAN MO ANG “ALIPORES” MO NA GAMTIN ANG MGA SALITANG IYAN PATUNGKOL KAY KA TENNY para lang magalit ang mga kapatid sa sanggunian at kay Ka Eduardo?

Kung hindi mo aaksiyunan ang post na yan ni Joy Yuson at hindi mo kakastiguhin ang alagad mong iyan, isa lang ang ibig sabihin niyan, TULUYAN NANG NADIMLAN ANG IYON ISIPAN AT NAPUNO NG KASAMAAN NA KAHIT NA MAPAGSALITAAN ANG IYONG INA NG GANIYANG “KASAMANG SALITA” AY PAYAG KA BASTA SA IKASISIRA LANG NG IYONG KAPATID NA SI KA EDUARDO. Sana naman ay may kaunti ka pang konsensiya.  

Kaya, ibabalik ko lang sa iyo ang mga salita na ginamit ninyo sa inyong “post” na iyan: ANGEL, “BAKIT PO PINAPAYAGAN NINYONG LAPASTANGANIN NG MGA HAYOP NA ITO ANG INYONG MAGULANG?” Tandaan mo ang sinasabing ito ng Biblia:

Mateo 15:4 MB

“Iniutos ng Diyos, 'Igalang mo ang iyong ama't ina' at, 'Ang magsalita ng masama sa ama o ina, ay dapat mamatay.'”